Albanisch

Programi i depistimit të kancerit të zorrës së trashë

Pse duhet të marr pjesë?

Kanceri i zorrës së trashë është një nga llojet më të zakonshme të kancerit. Nëpërmjet ekzaminimeve

parandaluese, kanceri i zorrës së trashë mund të zbulohet herët, ose mund të parandalohet

plotësisht duke hequr lezionet parakanceroze. Sa më herët të zbulohet kanceri i zorrës së trashë,

aq më efektiv mund të jetë trajtimi dhe aq më të mëdha janë shanset për t’u shëruar sërish.

Çfarë përfshin ky program?

Në programin e depistimit të kancerit të zorrës së trashë, do të ftoheni rregullisht në një ekzaminim parandalues. Ju mund të zgjidhni midis analizës së jashtëqitjes (çdo 2 vjet) ose kolonoskopisë (çdo 10 vjet).

Leximi

Kush mund të marrë pjesë?

Rezidentët në kantonet e Basel-Landschaft ose Basel-Stadt
Personat në moshën 50 – 69 vjeç
Personat që nuk kanë bërë kolonoskopi gjatë 10 viteve të fundit (ata që kanë nevojë për ta bërë më shpesh, fatkeqësisht nuk lejohen të marrin pjesë)
Personat që nuk kanë probleme me zorrën e trashë (parandalimi nënkupton ekzaminimin e hershëm pa pasur asnjë simptomë)

Si kryhet ekzaminimi?

Sigurohuni që të regjistroheni paraprakisht në https://www.screening-darm.ch/registrierung. Për ta bërë këtë, ju duhet numri i referencës që ndodhet në pjesën e sipërme djathtas të ftesës suaj (kërkesë përmes faqes së internetit ose me telefon 061 319 91 70).

Procedura për analizën e jashtëqitjes

Pas regjistrimit, analizën do ta merrni me postë. Ju e bëni atë në shtëpi dhe e dërgoni përsëri në laborator. Laboratori do t’iu informojë për rezultatin me letër.

Nëse nuk gjendet gjak në jashtëqitje, ju do ta merrni automatikisht testin e radhës me postë pas 2 vitesh.

Nëse identifikohet gjak në jashtëqitje, duhet të kryhet një kolonoskopi për sqarim të mëtejshëm.

Procedura për kolonoskopinë

Së pari, regjistrohuni online për kolonoskopinë tuaj. Më pas lini një takim për një praktikë gastrointestinale në programin kantonal (lista e praktikave pjesëmarrëse gjendet në faqen e internetit www.screening-darm.ch). Në disa praktika mund të regjistroheni edhe drejtpërdrejt. Ekzaminimi kryhet në klinikë / spital. Për procedurën dhe rezultatin do të informoheni direkt gjatë ekzaminimit.

E RËNDËSISHME: Merreni konfirmimin tuaj të regjistrimit me vete në të gjitha takimet mjekësore. Në këtë mënyrë ju informoni mjekun e familjes se ekzaminimi duhet të kryhet në programin e depistimit kantonal (jashtë këtij programi, shpenzimet duhet t’i mbuloni vetë).

Sa kushton?

Shpenzimet paguhen nga shoqëria e sigurimeve shëndetësore, edhe nën shumën e zbritjeve vjetore. Ju paguani vetëm detyrimin e zbritshëm prej 10 %, pra rreth 5 CHF për një analizë jashtëqitjeje ose 70 – 150 CHF për një kolonoskopi. Mund të aplikohen kosto shtesë për mjekun e përgjithshëm dhe për mjekimet për pastrimin e zorrës së trashë përpara kolonoskopisë.

Keni pyetje?

Jemi të gatshëm t’iu ndihmojmë.

Telefoni 061 319 91 70

E-mail screening@klbb.ch

Mirë se vini.

Jemi të gatshëm t’u përgjigjemi pyetjeve tuaja çdo të mërkurë nga ora 10:00 deri në orën 12:00 në ndërtesën e Ligës së Kancerit në Petersplatz 12 në Bazel (pa pagesë).

Merrni me vete kartën tuaj të sigurimit shëndetësor.